கண்களை
தண்டனைக்குத் தந்த
கனவு - காதல்
நிரபராதிகளின் தண்டனைக் கைதிதான் காதலோ
இன்னமும் நீ நம்பத்தயாரில்லை
வழிவிடு என் வார்த்தைகளை
நானே எடுத்துக்கொள்கிறேன்
உன்னில் இருந்து
என் சட்டை வாசத்தையும்
துடைத்துவிடு
இன்னொரு தடவை
என்மீது
நீ அக்கறை காட்டாத்தபடிக்கு
உன்னை நீ பார்த்துக்கொள்
என்னை நியாயப்படுத்தி
உனது பிரியத்தில்
வாழ்வதில் - என்னக்கு
நிர்ப்பந்திக்கப்பட்ட
மரணம்
மாறாக காதல்
நீயாக
நானாக
புரிந்துகொள்வது
நீயாக என்னையும்
நானாக உன்னையும்
சேர்வது பிரியம்
பிரியம் - காதல்
இரண்டும்
கடந்து
என்னை நானாக
எனக்கு உண்மையாக இருக்க
விரும்புகிறேன்
கண்களை
தண்டனைக்குத் தந்த
கனவு - காதல்
நிரபராதிகளின் தண்டனைக் கைதிதான் காதலோ
